KWA NAMNA GANI MTU ANAWEZA KUMZIMISHA ROHO MTAKATIFU?

Na: Patrick Sanga

Roho Mtakatifuni Mungu, mwenye nguvu zote, maarifa yote, anayepatikana kila mahali. Yeye pia anayo nafsi na kwa hiari yake ameamua kuishi ndani ya mwili wa mwanadamu kwa kuzingatia mgawanyo wa majukumu waliyokubaliana yaani nafsi ya    Mungu Baba, Mungu Mwana(Yesu) na Mungu Roho Mtakatifu. Kazi/lengo kubwa la ujio wake ni kuwa Msaidizi wa mwanadamu kwenye ulimwengu huu wa mwili, ili kumsaidia kuishi katika mapenzi ya Mungu.

Mungu hana namna ya  kutawala kwenye ulimwengu wa kimwili bila kuwa na mwili wa damu na nyama, kwa kuwa yeye ni Roho (Yohana 4:24). Hivyo hana budi kuingia kwenye mwili wa mtu na kufanya makao yake hapo, ili kutawala na kumuongoza mwanadamu katika mapenzi yake (Yohana14:18, 23, 1Wakorinto 3:16-17, 6:19). Kwa sababu hii ni muhimu sana kwetu kutunza mahusiano yetu na Roho Mtakatifu ili tusimzimishe katika maisha yetu.

Paulo akizungumza na ndugu wa Thesalonike alisema ‘Msimzimishe Roho’ (1Wthesalonike 5:19). Paulo alitoa maonyo haya kwa kuwa alijua, Kumzimisha Roho Mtakatifu, kuna athari mbaya sana kwenye maisha ya mwamini katika kulitumikia kusudi la Mungu na hata maisha yake ya kawaida hapa duniani. Swali la msingi ni, kwa namna gani mtu anaweza kumzimisha Roho Mtakatifu? Ukisoma tafsiri za kiingereza, Biblia ya toleo la GNB katika mstari huu inasema Do not restrain the Holy Spirit’ na toleo la KJV linasema ‘Quench not the Spirit’ (1Th 5:19).

Tafsiri hizi mbili zinapanua zaidi tafsiri ya kumzimisha Roho, katika dhana mbili zifuatazo; moja kumzimisha Roho ina maana ya kumzuia Roho Mtakatifu asitawale na kuongoza maisha yako kwa kukataa msaada wake maishani mwako. Pili, kumzimisha Roho Mtakatifu ina maana ya kuishi katika mazingira ambayo yanamfanya Roho Mtakatifu ashindwe kukusaidia.

Mazingira ambayo Roho Mtakatifu anaweza kuzimishwa;

  • Kutokumpa nafasi akusaidie

Kwa mujibu wa Matahayo 14:16, Roho Mtakatifu ameletwa kwetu kama Msaidizi. Kwa tafsiri, Msaidizi ni yule atoaye msaada pale anapohitajika na kupewa nafasi ya kufanya hivyo. Vivyo hivyo na Roho Mtakatifu kama hujampa nafasi ya kukusaidia (ingawa yupo ndani yako), hawezi kufanya hivyo na kwa hiyo taratibu utakuwa unamfungia/unamzuia kukusaidia maishani mwako.

  • Kukosa upendo

Ukisoma kitabu cha 1Wakorinto sura ya 13 na 14, utagundua kwamba suala la upendo limepewa msisitizo wa kipekee kwa mtu ambaye anataka kuona utendaji wa kazi wa Roho Mtakatifu kwenye maisha yake na kwa ajili ya wengine pia. Upendo kwa mtu aliyejazwa Roho Mtakatifu ni moja ya vigezo muhimu sana kwa Roho Mtakatifu kusema/kujifunua na kufanya kazi ndani yako. Hivyo kukosa upendo ni dalili ya kumzimisha Roho Mtakatifu ndani yako. Ndiyo maana Paulo anasema hata kama angekuwa na unabii, na kujua siri zote na maarifa yote, pia kuwa na imani timilifu kiasi cha kuhamisha milima, kama hana upendo si kitu yeye, naam ni bure tena ni ubatili (1Wakorinto 13:1-3).

  • Kuongozwa au kuenenda kwa mwili

Paulo aliwaambia hivi wandugu wa Galatia ‘Basi nasema, Enendeni kwa kwa Roho, wala hamtazitimiza kamwe tamaa za mwili’ (Wagalatia 5:16). Maneno haya alikuwa akiwaambia watu waliokoka na si wasiomjua Mungu. Kanisa la Galatia lilikuwa limeacha kuenenda kwa Roho likaanza kuenenda kwa mwili. Paulo akajua jambo hili litamzimisha Roho wa Bwana ndani yao, na kwa sababu hii hawataweza kuishi maisha ya ushindi hapa duniani na kisha kuurithi uzima wa milele, ndipo akawaonya akisema enendeni kwa Roho ili msizitimize tama za mwili.

  • Kutokutii maelekezo yake

Roho Mtakatifu kuitwa Msaidizi haina maana tunapaswa kumpamngia cha kufanya. Yeye ndiye mwenye kutuongoza katika njia itupasayo kuiendea (Zaburi 32:8). Kinachotakiwa ni mtu kuwa mtiifu kwa yale ambayo Roho Mtakatifu anakuagiza. Kukosa utiifu mara kwa mara kila anapokusemesha/kukuagiza ni kumjengea mazingira ya kutoendelea kusema na wewe na hivyo kuondoka kwako na kutafuta mtu mwingine amtumie kwa kusudi lake.  

  • Kukosa ufahamu wa utendaji wake

Mara nyingi watu wamemzimisha Roho kwa kutokujua utendaji wake ulivyo. Kuna nyakati Roho Mtakatifu anaweza akaleta msukumo ndani ya mtu wa kumtaka aombe, atulie kusoma neno n.k. Lakini kwa kutokujua namna anavyosema, wengi hujikuta badala ya kutulia na kufanya kile alichopaswa kufanya, wao hufanya mambo mengine.

Pia kuna nyakati katika ibada (sifa, maombi nk), Roho Mtakatifu anaweza akashuka juu ya mtu au watu na akataka kusema jambo, lakini viongozi wa makanisa au vikundi husika wakawazuia hao watu. Kufanya hivyo bila uongozi wa Mungu ni kumzimisha Roho. Mandiko yako wazi kabisa kwamba hatupaswi kutweza unabii (1 Wathesalonike 5:20) na wala hatupaswi kuzuia watu kunena kwa lugha (1Wakorinto 14:39). Zaidi tumeagizwa kujaribu mambo yote, na tulishike lililo jema (1 Wathesalonike 4:21).

Je tutajaribuje mambo yote ikiwa tunawazuia watu Kunena na pia tunatweza unabii? Hofu yangu ni kwamba kwa kuzuia watu kunena na pia kutweza unabii tunaweza tukajikuta tunamzimisha Roho Mtakatifu na kukataa uongozi wake kwenye maisha yetu. Ni vema tukakumbuka kile ambacho Paulo aliwaambia Wakorinto juu ya mambo haya kwamba ‘mambo yote yatendeke kwa uzuri na kwa utaratibu’ (1 Wakorinto 14:40). Naam na hili lina maana ni vema kwanza ujue utendaji wa Roho Mtakatifu ukoje, ili kuepuka kumzimisha kwa kutokujua utendaji wake. 

Pengine yapo mazingira mengine ambayo mtu anaweza akajikuta anamzimisha Roho Mtakatifu. Kumbuka jambo hili kwamba kumzimisha Roho Mtakatifu ni kumzuia asikusaidie, jambo ambalo tafsiri yake ni kukataa uongozi wake kwenye maisha yako. Biblia inasema katika Warumi 8:9 ‘Lakini ikiwa Roho wa Mungu anakaa ndani yenu, ninyi hamwufuati mwili; bali mwaifuata roho. Lakini mtu awaye yote asipokuwa na Roho wa Kristo huyo si wake’. Usifanye mchezo na Roho Mungu hakikisha unatunza sana mahusiano mazuri kati yako na yeye kwa kutokumzimisha.

Neema ya Bwana wetu Yesu Kristo iwe nawe

19 Comments »

  1. 1
    Martha Says:

    Asante sana mtumishi kwa somo zuri. Tuendelee kumwomba Roho Mtakatifu mwenyewe azidi kutufundisha ili tupate zaidi kufahamu utendaji wake nadhani ndipo tutaweza zaidi kutii na kumpa nafasi katika maisha yetu ili atuongoze na kutusaidia. Ubarikiwe sana na Roho Mtakatifu aendelee kukufunulia zaidi ili uendelee kutufundisha na kutupa maarifa ya kuishi katika roho na kweli.

  2. 3
    simango Says:

    Mungu hana namna ya kutawala kwenye ulimwengu wa kimwili bila kuwa na mwili wa damu na nyama, kwa kuwa yeye ni Roho (Yohana 4:24).
    samahani mtumishi, Mungu aweza yote, ajua yote, hazuiliwi na kitu wala nafasi, sijui unamaanisha nini kusema “Mungu hana namna”

    • 4
      sanga Says:

      Hello ndg.Simango ubarikiwe kwa swali zuri. Sentensi hii haina maana kuna jambo la kumshinda Mungu, bali ninachoeleza hapa ni utaratibu ambao Mungu amejiwekea wa kiuatawala na kiutendaji katika ulimwengu wa roho na mwili. Kwa kuwa yeye ni roho anafanya kazi pia katika roho, na anapotaka kufanya kazi duniani anamtumia mtu mwenye mwili ili kukamilisha kile alichokikusudia katika roho, na ndiyo maana kwa Mungu mtu ni wa thamani sana. Naam ndiyo maana ilimlazimu Bwana wetu Yesu kuuvaa mwili wa damu na nyama ili akae na wanadamu, apitie wanayopitia na kisha kuwa sababisho la wokovu.
      Ni sawa na watu walioko kuzimu sasa, maandiko yanasema Mungu hafurahii kifo cha mwenye dhambi, watu walioko kuzimu wanatamani sana Yesu angewapa nafasi nyingine ya kurudi duniani, na Bwana kwa kuwa ni mwingi wa huruma huishia kulia tu na kusema mwanangu ulichezea/ulikaataa nafasi niliyokupa duiani na sasa siwezi kukusaidia utoke katika mateso haya. sasa hii haina maana Mungu hawezi kuwatoa kule, naam anaweza na hata kuiondoa hukumu ya mwisho, lakini kwa sababu ya utaratibu (agano) aliojiwekea hawezi kufanya hivyo. Naamini nitakuwa nimeeleweka.

  3. 5
    baraka kazimoto Says:

    bwana awe nawe ahnsate sana kwa ujumbe wako

  4. Asante kwa mafundisho haya ya Roho Mtakatifu. Ubarikiwe

  5. 8
    Iscaca E Sanga Says:

    Mtumishi, nimefunguliwa sana na somo hili. Ni kweli kwamba bila uongozi wa Roho Mtakatifu, maisha yetu ni ubatili. Mungu akubariki sana.

  6. 10
    Mary Swai Says:

    God bless you for taking your time to teach many. It is my hope that many will side with me, that it is a wonderful job.

  7. Bwana akubariki,nimebarikiwa sana

  8. 14
    martha Says:

    Be blessed abudantly! Thanx

  9. 16
    deogracious Says:

    ubarikiwe mtumshi,lakin nina swal.je inawezekezekana kwa mahusiano kati yangu na R.mtaktif kurud baada ya kumzimisha?

    • 17
      sanga Says:

      Samahani kwa kuchelewa kujibu, ndiyo inawezekana, kumbuka imeandikwa Laiti Mungu angehesabu maovu yetu nani angelisimama, jambo la msingi ni kuchunga mtu asifikie hatua ya kumakana kabisa Roho Mtakatifu maana maandiko yapo wazi kwamba kwa dhambi hiyo hakuna msamaha.

  10. 18

    ubarikiwe mtu wa mungu

  11. 19

    mungu akubariki


RSS Feed for this entry

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: