NIFANYE NINI ILI KUSHINDA TAMAA ZA MWILI?

Na: Patrick Sanga

Septemba mwaka huu, Mwanafunzi mmoja wa shule ya Sekondari alinitembelea nyumbani kwangu hapa Dodoma. Alipofika nilimkaribisha ndani nikajua amekuja kunisalimia tu. Baada ya muda akaniambia kaka Sanga nina swali nahitaji msaada wako sana. Tukatoka nje mahala penye utulivu ndipo akaniambia tamaa za mwili kwa maana ya uasherati/zinaaa zinanitesa nifanye nini ili kushinda? Jambo hili linanitesa kiasi kwamba nahisi kama vile sijaokoka kutokana na vita niliyonayo katika fahamu zangu na mwilini mwangu?

Kwa kuwa vijana wengi wamekuwa wakiuliza swali hili kwa namna tofauti tofauti na kwa njia mbalimbali, nimeona ni vema nikaliweka somo hili kwenye ‘blog’ hii  kwa kuwa tunao vijana wengi ambao changamoto hii inawakabili pia. Naam yafuatayao ni mambo ya msingi kuzingatia ili kijana aweze kuwa na ushindi dhidi ya tamaa za  mwili (dhambi) nk.

  • Kwa kutii na kulifuata neno la Mungu

Biblia katika Zaburi 119:9 inasema ‘Jinsi gani kijana aisafishe njia yake? Kwa kutii, akilifuata neno lako’. Ukisoma Mstari huu katika tafsiri ya Biblia ya Kiingereza ya GNB unasema How can young people keep their lives pure? By obeying your commands’. Mtazamo wa tafsiri hii ya kiingerza ni kujaribu kutafuta ufumbuzi wa namna ambayo vijana wanaweza kuishi maisha ya utakatifu na yenye ushuhuda. Inawezekana mwandishi huyu wa Zaburi aliona namna vijana wanavyohangaika katika eneo hili, ndipo ikabidi amuulize Mungu, ni jinsi gani kijana aisafishe njia/au anaweza kusihi maisha ya utakatifu? Kipengele cha pili kinatupa jibu la swali la kwanza kwamba ni kwa kutii, akilifuata neno lako.

Naam hii ina maana ni lazima kwanza kijana achukua hatue  ya kuliweka neno la Mungu moyoni mwake kwa wingi, maana hawezi kutii neno ambalo halimo ndani yake au hajalisoma na kulitafakari. Zaburi 119:11 inasema ‘Moyoni mwangu nimeleiweka neno lako, Nisije nikakutenda dhambi’. Maana yake ni kwamba, kama kijana atajijengea tabia ya kuhakikisha analiweka neno la Bwana moyoni mwake kwa kulitafakari kila siku, kwa vyovyote vile lazima atakuwa na ushindi dhidi ya tamaa za mwili na kazi zote za Shetani. Naam usiishie tu kuliweka moyoni mwako bali fuatilia sauti ya neno uliloliweka ndani yako, ukaiitii.

  • Kuacha michezo ya mapenzi na kuwa makini na nini unatazama/unasikia.

Michezo ya mapenzi (foreplay) ni maalumu kwa ajili ya wanandoa. Kwa bahati mbaya vijana wetu nao sasa wamekuwa wakifanya mambo haya ambayo kimsingi si yao. Michezo ya mapenzi ni sehemu ya vitendo vyvyote ambavyo hupelekea ashiki ya kufanya tendo la ndoa hii ni pamoja na kushikana shikana/kugusana maeneo mbalimbali ya mwili na pia kunyonyana ndimi.

Zaidi Katika dunia ya sasa Shetani ametumia teknolojia iliyopo kuteka fikra za vijana wengi. Vijana wengi kupitia simu, computer, video nk wanaangalia picha chafu za ngono na kusoma jumbe za aina hiyo kitu ambacho kinaharibu fahamu zao bila wao kujua. Na kwa kufanya hivyo wanakuwa wanayachochea mapenzi na kuamsha tamaa zao za mwili. Naam mambo haya ni hatari tena kinyume na mapenzi ya Mungu. Na kwa bahati mbaya vijana wetu tena waliokoka baadhi yao bado wamefungwa katika kufanya mambo haya.

Katika kile kitabu cha Wimbo Ulio Bora 2:7 Biblia inasema ‘Nawasihi, enyi binti za Yerusalemu, Kwa paa na kwa ayala wa porini, Msiyachochee mapenzi, wala kuyaamsha, Hata yatakapoona vema yenyewe’. Kulingana na mstari huu tunajua kwamba, kumbe mapenzi yanaweza kuchochewa na kuamshwa, naam na hili ni jambo hatari sana kama litafanywa na wahusika ambao si wanandoa kwa maana ya (foreplay) hata kama wana kiroho cha iana gani.

Jambo la msingi kuepuka hapa ni kuwa kwenye mazingira ambayo yanaweza yakawashawishi kufanya mambo haya. Vijana ambao si wanandoa kutembeleana mahali wanaposihi kwa maana ya eneo ambalo wako pekee yao, au kwenda guest na  maeneo yote ya namna hii eti kwa lengo la kupanga mipango yenu. Fahamu kwamba kitendo cha vijana wawili ambao si wanandoa kukaa katika mazingira ya aina hii ni kumpa Iblisi nafasi ya kuwamaliza, naam kijana uwe makini usifanye ujinga huu, Shetani asije akakumaliza.

  • Kuenenda kwa Roho.

Mtume Paulo alikutana na kesi ya aina hii kwa wandugu wa kanisa la Galatia. Moja ya ufumbuzi juu ya suala hili aliwataka waenende kwa Roho ili wasisitimize kamwe taamaa za mwili. Wagalatia 5:16 ‘Basi nasema, Enendeni kwa Roho, wala hamtazitimiza kamwe tamaa za mwili’. Kuenenda kwa Roho ndio kukoje? Ni kuishi/kuenenda kwa kufuata utaratibu/uongozi wa Roho Mtakatifu maishani mwako (Zaburi 32:8). Jambo la msingi ni kuwa mtiifu kwa Roho Mtakatifu, naam atakusaidia kushinda dhambi kama alivyomsaidia Bwana Yesu alipokuwa hapa duniani.

  • Kujitenga na marafiki/makundi mabaya

Zaburi 1;1 inasema ‘Heri mtu yule asiyekwenda katika shauri la wasio haki; Wala hakusiamama katika njia ya wakosaji; Wala hakuketi barazani pa wenye mizaha’. Jiulize muda wako mwingi unautumia kwa kufanya nini? Na kama ni marafiki ni marafiki wa aina gani?  Siku zote wale unaokuwa nao karibu wanachangia sana kujenga (kushape) mfumo wa maisha yako. Biblia katika 1 Wakorinto 15:33 inatuambia ‘Msindanganyike; Mazungumzo mabaya huharibu tabia njema’. Naam kama utakuwa na marafiki wabaya basi tegemea na mazungumzo yao yatakuwa mabaya na hivyo tegemea na wewe kuwa na tabia mbaya. Jambo la msingi ni kujitenga nao usiende katika shauri lao, wala njia yao na pia kuketi katika baraza yao.

Mtume Paulo akizungumza na kijana wake Paulo alimwambia hivi ‘Mtu awaye yote asiudharau ujana wako, bali uwe kielelezo kwao waaminio, katika usemi na mwenendo, na katika upendo na imani na usafi’ 1 Timotheo 4:12. Wazo ninalotaka ulipate hapa ni kwamba kama Paulo angejua kwamba vijana hawawezi kuishi maisha ya utakatifu na yenye ushuhuda katika dunia hii, asingemwambia Timotheo afanye haya. Basi kwa kuwa alijua inawezekana, ndiyo maana Roho Mtakatifu alimwongoza kuandika haya ili kumwagiza Timotheo na sisi vijana wa leo katika jambo hili. Naam uwe kielelezo katika shule, chuo, kanisa, kazini nk ili Mungu aone sababu ya kuendelea kukutumia kwa utukufu wake.

Neema ya Mungu iwe nanyi

 

 

51 Comments »

  1. 1
    neema Says:

    nimebarikiwa sana kaka na ujumbe huu kuhusu kijana na tamaa za mwil ni fundisho kubwa sn katik maisha yangu. mungu akubarik sana

  2. 3
    David Allene Says:

    mtumishi naomba nieleweshe tofauti ninapomwona mtu nikasema ana sura nzuri nikawa natamani niwe namwangalia je ninakuwa nimetamani au kutamani ki biblia ni kwa aje

  3. 4
    Petro Says:

    Mungu akubaliki katika kukua na kuongezeka katika huduma hii.

  4. 6
    getrude Says:

    keep on teaching!im gratefuly to have this

  5. 8
    Joram Yona Says:

    Be blessed MAN of GOD.

  6. 10
    MACHIBYA E. JUSTO Says:

    have find this site today. am blecd

  7. 12
    neema semkuyu Says:

    najiskia amani sana

  8. 14
    Brown jovin Says:

    BWANA AWE NAWE

  9. 16

    may God bless u exceedingly

  10. 18
    TIMOTHY LUJESHI Says:

    Nasema asante kwa mafundisho yako Mungu awa bariki sana.

  11. 20

    kwakweli umetufumbua wengi, hata mm nlikuwa na tatizo hili kwa mda wa miaka mingi, lkn leo nimepata suluhisho, mungu akubariki mtumishi

  12. 21
    bernard john Says:

    Nashukuru zana mtumishi wa Mumgu kwa mashauri yako kufuatana ma neno la Mungu pia tunazidi kuomba ushauri kwa, vijana ,vijana washauriwe sana kupitia bibilia maana pasipo neno akikufanyika chochote.

  13. 23
    Timotheokedmon Says:

    My lord jesus bless you.

  14. 25
    Keneth Says:

    Nikweli mtumishi wa mungu asante sana kwa kutoa jumbe ambayo imenigusa sana ktk maisha yangu

  15. 27
    Keneth Says:

    Mungu akubariki sana kwa kutoa mafunzo mazuri kwa vijana amee…!

  16. 29
    revokey Says:

    shukran sana kwakutupa somo vijana kwel janga hl lnatukumba sana ila suluhsho 2mepata God bless u

  17. 31
    Elisha N. Mbeho Says:

    Namshukur Mungu kwaajili yako, Mungu aendelee kukusaidia kuiachilia/kuitoa hazna yake ilyo ndan yako kwa Utukufu wake.

  18. 33
    Elisha N. Mbeho Says:

    Mungu aendelee kukusaidia kuiachilia/kuitoa hazina yake ndan yako kwa Utukufu wake.

  19. 34
    Nase jr. Says:

    Namtukuza bwana kwa ajili ya wema,fadhili,rehema na neema yake iliyo kuu,naamin vijana weng wamefunguliwa kupitia kitu ambacho Roho Mtakatifu ametoa kupitia kwako, Mungu akubariki na kukutunza..naamini tutashinda na zaidi ya kushinda.

  20. 36
    Ambokile Gwakisa Says:

    Mungu wangu akukumbuke siku zote kwa huduma yako najua hili kwa jina la Yesu tutalishinda.

  21. 39
    FREDY Says:

    MUNGU AZIDI KUKUJAZA HEKIMA NA MAARIFA KATIKA UTUMISHI HUU.

  22. 40
    FREDY Says:

    BARIKIWA SANA MTUMISHI

  23. 41
    Nicolaus Mgonja Says:

    Nimejifunza mengi sana. MUNGU akuzidishie maarifa zaidi ya hayo ili uweze kuelimisha watu wa MUNGU na wapate kumjua MUNGU. Lakin pia waweze kujichunga ktk ujana wao. barikiwa sana kaka Sanga

  24. 42
    Philemon Gobre Says:

    Nimebarikiwa sana

  25. 43
    Stephano Kihaga Says:

    Mungu atusaidie sana kwa kweli…,Mungu anisaidie maana yamegusa my life style…God bless you

  26. 44
    Amisi Pelo Says:

    Nifuria mafuzo haya kuusu sisi ni kweli shetani mtu jia nyingi sana hasa jia ya tamaa, past, swali yangu ni hivi kama shetana umikisha vina kwa jia ya wa sharati kupitia video, coupt, Facebook au filam bali mbali ili mtu asitazeme.

    • 45
      sanga Says:

      Nisamehe kuchelewa kujibu Ndg. Pelo, kwa bahati mbaya nimeshindwa kulielewa vema swali lako, ila kwa kuzingatia mambo machache niliyoelewa hapo juu, ni muhimu sana kwa waamini kuwa makini na matumizi ya vifaa tajwa hapo juu kwani Paulo anasema vitu vyote ni halali lakini si vyote vifaavyo. Kupitia njia hizo Shetani anaharibu waamini wengi sana kwa kuwaingizia vitu vya kipepo ambavyo vina haribu uhusiano wao na Mungu na maisha yao kwa ujumla. Hivyo haina maana waamini wasitazame TV, wasitumie Computer, mtandao ya kijamii nk, bali wawe makini na namna wanavyotumia vitu hivyo.

  27. 47
    Stephano Kihaga Says:

    AMINA, MUNGU ATUSAIDIE

  28. 48
    KAZIMILI, SAMWEL JOSEPH Says:

    Somo zuri sana ………. Sijui unaendelea nalo mpaka leo?

  29. 50
    william Steven Says:

    mungu akubariki sana mtumishi, natumaini tumepata silaha za kumshinda mwovu juu ya hili

  30. 51
    AaZ Says:

    Status blessed ndg


RSS Feed for this entry

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: