HASARA ZA KUFANYA TENDO LA NDOA KABLA YA NDOA.

 Na: Patrick Samson Sanga.

Andiko la Msingi ni Mithali 5:1-20.

Mungu ndiye aliyewaumba mtu mume na mtu mke, akawaweka bustanini ili wamtumikie. Mungu akamuumba mwanadamu na kumpa viungo mbalimbali katika mwili. Akawapa wanadamu maungo maalumu kwa ajili ya tendo la ndoa na kisha akaliweka tendo la ndoa kuwa takatifu, tena la halali kwa wanandoa tu, tena hasa wale waliounganishwa na yeye.

Sasa katika kizazi cha leo tunaona watu wengi hasa vijana ambao bado hawajaoana (kwa maana ya kuwa wanandoa) vijana hao wanafanya tendo hilo la ndoa (ngono) tena kwa uchafu usio wa kawaida, wanafanya kwa kuzidi mipaka ambayo Mungu amempa mwanadamu, maana yake wanatumia isivyo (mis-use) maumbile/ maungo ambayo Mungu amewapa.

Soma warumi 1:24-27.Sasa wao wanapofanya haya hawajui kwamba kuna hasara kubwa wanayoipata na wao wanafikiri ndio wanakwenda na dunia. Lengo la ujumbe huu ni kukueleza hasara za kufanya tendo la ndoa kabla ya ndoa nazo ni;

(1)Ni dhambi.
Kufanya ngono kabla ya ndoa ni dhambi na warumi 6:23a inasema mshahara wa dhambi ni mauti; na pia katika Ezekiel anasema Roho itendayo dhambi ndiyo itakayokufa, hivyo kwa sababu hiyo hicho kitendo kitakusababishia kifo cha kimwili na kisha utahukumiwa tu na mwisho kutupwa jehnamu

(2)Kuwashibisha wengine nguvu zako.
Mithali 5:10 Tendo la ndoa ni tendo linalohitaji mtu atumie nguvu, hivyo kadri mtu (hasa mwanume) anapofanya  mara kwa mara anajipotezea nguvu zake anawashibisha wengine nguvu zake na hivyo dhoruba itamkuta katika ndoa yake pindi atakapooa kwa sababu hatakua na nguvu tena kama awali. (3)Utavunjiwa heshima.
Mithali 5:7, Siku zote yule unayefanya naye tendo la ndoa kwanza atakuona wewe ni mpumpavu kwa sababu anajua afanyaye tendo hilo hana akili kabisa (mithali 6:32) kwa hivyo atakudharau, zaidi atakutangaza kwa wengine na wewe mwenyewe pindi utapooa au kuolewa kwa kuwa nguvu zako uliwashibisha wengine basi utavunjiwa heshima na huyo mwenzi wako.

(4)Unafanya jambo litakaloiangamiza nafsi yako.
Mithali 6:32. Nafsi kwa kiyunani inaitwa Psuche, ndani yake kuna hisia, akili na maamuzi ya mtu. Hivyo kuiangamiza nafsi yako ni kuangamiza future yako na mipango yako uliyokuwa umejiwekea ya mbele.

(5)Unajitengenezea majeraha na fedheha maishani .
 Mithali 6:33. Sikiliza katika ngono unaweza ukapata kilema cha maisha, na magonjwa ya hatari kama vile kaswende, ukimwi n.k. Haya magonjwa yatapelekea nyama na mwili wako kuangamia utashindwa kufikia malengo uliyojipagia, utabakia kujuta tu na watu watakufanyia fedheha na wakati huo upo kitandani hujiwezi.

(6)Kuwapa wengine miaka yako.
  Mithali 5:9 , Uchunguzi chunguzi unaonyesha kwa mtu anayependelea kufanya ngono mara kwa mara hasa anapoanza kabla ya ndoa mara nyingi hawezi kuishi kwa muda mrefu si hivyo tu lakini pia tumeona mara nyingi vijana wakijiua/wakiuana /wakifa kwa ajili ya mapenzi, wengine wanaugua hadi wanakufa wadogo na kupatwa na magonjwa mabaya, na hivyo muda waliostahili waishi hapa duniani na hivyo wanakuwa wamewapa wengine miaka yao.

(7)Kuvamiwa na maroho machafu.
 Katika kufanya ngono, wengine wanaenda hadi kwa waganga wa kienyeji na wachawi na huko wengine wanapewa madawa ya ajabu ambayo yanapelekea kuwamiwa na mapepo ya ajabu, na wengine kwa kupenda ngono wamefanya ngono na majini bila wao kujua na tayari yamesha wamiliki na hawaji watatokaje kwenye kifungo hicho.

Mimi nimekuonyesha hasara zile za kibiblia tu, sasa zipo za kijamii, kitaifa, kifamilia nk. Naamini baada ya kuwa umesoma ujumbe huu, kama bado unafanya ngono basi utabadili tabia yako na kuacha ngono mpaka wakati utakapo fika na kama haujaokoka nakusihi uokoke ili Yesu akupe nguvu za kushinda hiyo dhambi.

Kama unataka kuokoka bonyeza category ya wokovu kisha utapata maelekezo ya kufanya.

Bwana Mungu akulinde na kukutunza.

8 Comments »

  1. 1
    LAMECK HAZALI Says:

    NI KWELI

    ULITAKA HESHIMA JIHESHIMU MWENYEWE
    NA NDIPO UTASEMA NDOA IHESHIMIWE NA WATU WOTE

    HONGERA SANA NDUGU

  2. 2
    Sarah John Says:

    HASWA!! UKITAKA KUHESHIMIWA NA MUMEO AKUKUTE HUJAWAHI FANYA TENDO LA NDOA. ATAKUHESHIMU HADI KUFA.

  3. 3
    Godson Jackson Says:

    HESHIMA YA MKE NI KUWA MWANAMKE AMBAYE HAJAWAHI KUFANYA TENDO LA NDOA KABLA YA KUOLEWA KWAKE NA KAMA ALIWAHI BASI BAADA YA KUAMINI INJILI YA YESU ASIFANYE TENA MPAKA ATAKAPOOLEWA NA KUJITUNZA ZAIDI VINGINEVYO HATAHESHMIKA KAMWE NA MUMEWE MILELE.

  4. 4
    Sam Akwilini Says:

    Kufanya Ngono na rafiki yako ambaye baadae mtafunga nae ndoa ni kosa? Yepi madhara yake. Kwani ndoa nyingi za sasa ni zile zilizokuwa za wapenzi wawili walio jamiiana kabla ya ndoa na baadae wakaoana…wengi bado wanaishi na ndoa zao kwa masikilizano na maelewano bila vurugu zozote.

    Je na hawa, watahukumiwa kwa kosa walilotenda kabla ya ndoa na wafanye nini iwapo wanataka kujisafisha?

    • 5
      manyuka Says:

      Ni kosa kufanya tendo la ndoa na rafiki/mtu yoyote asiye mkeo. Hawa ndugu wanatakiwa wafanye toba kwanza baada ya uamuzi wa kufunga ndoa na kukiri waliyokuwa wanayafanya ni makosa. Mungu humpenda yule ambaye hukiri ukweli na kuamua njia iliyo kweli ndo maana tunasoma kwenye biblia ya kwamba Mungu nisamehe dhambi za ujana wangu na unijalie rehema katika maisha haya mapya ninayoyaanza.
      Hukumu haitakuwepo endapo wataomba toba.

  5. 6
    Nalogwa Ibrahimu Says:

    Naomba nizijue hasara za ngono Kijamii, Kitaifa, Kiuchumi na Kifamilia.

  6. thanks nabarikiwa sana na web yako Mungu akuzidishie huduma hii.
    nimetamani kushare na watu pia wanaotembelea blog yangu hence nimechukua part ya masomo yako ndugu. Mungu akubariki sana


RSS Feed for this entry

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: