JINSI YA KUJUA MAWAZO YA MUNGU YA KUKUONDOA KWENYE SHIDA ULIYO NAYO.

Na: Patrick Sanga.

Kile kitabu cha Yoshua 1:8 Biblia inasema” kitabu hiki cha Torati kisiondoke kinywani mwako, bali yatafakari maneno yake mchana na usiku, upate kuangalia kutenda sawasawa na maneno yote yaliyoandikwa humo, maana ndipo utakapoifanikisha njia yako; kisha ndipo utakapostawi sana 

Kwenye kile kitabu cha Yeremia  29:12, tumeona mawazo ya Mungu kwetu ni mawazo ya amani (kutufanikisha) tena ni yenye kutupa tumaini siku zetu za mwisho. Siku zote mawazo ya Mungu juu yako familia yako, kazi yako, kanisa lako, nchi yako, Biashara yako, ni  mazuri, anawaza kukufanikisha. Tatizo kubwa linalowakabili watu wengi ni kwamba moja hawaelewi nini mawazo ya Mungu juu
yao na hata 
kama wanajua kugundua mikakati ya kutekeleza hiyo mipango ni shida.  Mawazo ya Mungu ya kukufanikisha na njia zake pia yamo ndani ya neno lake. Musa alipokufa Mungu alikuwa amemuandaa Joshua ili kutekeleza Neno lake/kusudi lake la kuwafikisha wana wa
Israel kwani tunaona katika ile Joshua 1:8, Mungu anamsisitiza Joshua kwa habari kuhakikisha kila siku Joshua anasoma ile Torati, anatafakari anachosoma na kukitendea kazi ndipo atakapofanikiwa na kustawi
sana. 

Kwa lugha nyepesi Mungu alimwambia Yoshua kufanikiwa kwako na kustawi kwako katika njia unayoindea kunategemea
sana bidii yako katika kulitafakari na kulitenda neno langu usiku na mchana. Tumeona kwamba Mungu ndiye mwenye mawazo ya kutufanikisha na kutuondoa kwenye shida tulizo nazo. Sasa kwa namna gani tutaelewa hayo mawazo, ni kwa njia zifuatazo. Moja: kwa kulisoma, kulitafakari na kulitenda neno la Mungu kila iitwapo leo. Sikiliza, Biblia ni kitabu kilichokamilika ndani yake kimebeba kila namna ya mawazo na njia za Mungu za kukufanikisha, ndani yake kuna mawazo ya kibiashara, kisiasa, kiuchumi (kifedha), kimahesabu, kimahusiano, kiroho, kindoa, kikanisa n.k. kwa lugha nyepesi hakuna shida, tatizo litakalokukabili wewe ambalo jibu lake halipo kwenye Biblia au tunaweza kusema Jibu la kila shida ulionayo lipo kwenye neno la Mungu (Biblia). Sasa ni jukumu lako wewe kutafakari kila siku na kuhakikisha unajifunza neno

lake
na kuyaweka kwenye matendo yale unayojifunza. Mfano: kama wewe ni mwanasiasa na unataka kufanikiwa kisiasa basi ndani ya Biblia kuna ahadi nyingi na mistari mingi inayozungumizia mambo ya siasa, soma tafakari weka kwenye matendo nakuambia utakuwa mwanasiasa wa aina yake, yamkini wewe ni mfanya biashara nakuambia ndani ya Biblia kuna mistari mingi sana inayozungumzia mambo ya biashara, jukumu lako ni kuomba uongozi wa Roho mtakatifu katika kusoma na ktafakari neno lake. Kwa hiyo Mungu anakushirikisha mawazo yake kwa njia ya neno lake. 

Nimalizie kwa mfano huu huenda wewe ni mchungaji mwalimu au kiongozi wa kikundi fulani cha kidini, sikiliza ndani ya Biblia kuna mipango mingi na njia nyingi
sana za namna ya kuchunga au kuongoza hao watu, namna ambavyo kanisa au kundi lako linaweza likaongezeka kiroho, na kiidadi pia. Namna kanisa lako linaweza kufanyika baraka pale ulipo na uchaotakiwa kufanya ni kusoma hiyo Biblia yako kwa jicho la  kutafakari unachokisoma na kuweka kwenye matendo misitari unayoipata. Jifunze kanisa la kwanza lilifanya nini. Pili: unaweza ukaelewa mawazo ya Mungu kwa kusoma vitabu mbalimbali vya watunzi mbalimbali vinavyozungumza habari za yale yanayokutatiza. Lakini viwe katika mpango wa Mungu, yaani mawazo yake mle ndani yawe ni mazuri, sio yawe ya kukuongoza utumikie njia ambazo unajua hazimbariki Mungu. Wewe kama ni mfanyabiashara jifunze mfumo wa uchumi wa sasa, usome njia na mazingira ya kiuchumi tendea kazi, soma vitabu vya aina zote maadamu mawazo ya mle ndani yanakuongoza katika njia bora za kutekeleza; kwa hiyo njia ya pili ni vitabu vya aina mbalimbali. 

Tatu: unaweza kupata mawazo ya ki-Mungu ya kukuondoa kwenye shida ulionayo kupitia watu wengine ambao unajua wamefanikiwa katika eneo ambalo wewe linakusumbua; tafuta mtu unayejua amefanikiwa katika eneo  ambalo unataka kufanikiwa si lazima awe ameokoka japo kuna baadhi ya shida ni lazima uwaone watu waliookoka hasa zinazohusiana na mambo ya kiroho. 

Nne: kupitia semina, mikutano na mafundisho mbalimbali yanayofanyika katika eneo ulilopo au nje ya eneo ulilopo. Zipo semina mbalimbali nyingine ni za kiserikali zinalenga wafanyabiashara, wakulima, viongozi, wanafunzi pia zipo za kidini (kiroho) zinazolenga watu wote, wanandoa, cha kufanya nenda huko kajifunze mawazo ya Mungu ya kukufanikisha si unajua serikali inavyokuwa madarakani imewekwa na Mungu na hivyo wao pia watumishi wa Mungu, hivyo nenda huko jifunze kupitia wao. 

Tano: kupitia vyombo mbalimbali vya habari,
kama redio, Tv na computer (internet), magazeti. Vipo vipindi na ratiba mbalimbali vya kidini kwenye Tv vya watumishi wa ndani na nje ya nchi pia, fuatilia, kutoka kwao nunua kanda zenye mafundisho katika eneo unalolihitaji wewe kufanikiwa, sikiliza, tazama, yatendee kazi hayo mawazo. Hivyo ndivyo Mungu pia anavyowashirikisha watu wake mawazo yake. 

Njia ya mwisho ni kujifunza kupitia sauti ya Mungu na kuyatekeleza mawazo na maagizo anayokuletea. Unajua Mungu anazo njia mbalimbali anazoweza kutumia ili kukushirikisha mawazo yake, anaweza  akakuletea wazo fulani la kibiashara, kiuchumi kindoa nk. Chakufanya hakikisha unatekeleza, anaweza akasema nawe kwa njia ya ndoto, maono, kwa sauti yate nk. Zaidi jifunze kutii na kutekeleza kile unachojifunza kwa kusoma, kusikia au kuona. Usipuuze unachojifunza utafanikiwa
sana. Mtegemee Mungu na sio akili zako. 

Neema ya Bwana wetu Yesu Kristo na ikae nanyi siku zote. 

19 Comments »

  1. 1
    neema muro Says:

    God bless you keep on writing because am sure alot of people are reading these massage .Dont give up am sure you will be rewarded in no time if you wont give up

  2. 2
    George Andrew Says:

    Peope need God in all fields of their lives.The question is, “how are we going to reach them”………..as believers in christ we must go out and bring them back to JESUS…….no one should perish and the devil surrender to GOD,because all human beings belong to GOD

  3. 3
    Lev Says:

    ameni asante sana limenibariki sana sifa hizi zote ni zake baba aliekupa neema ya kuandika somo hili.ubarikiwe sana na Bwana.

  4. 4
    kangacom Says:

    Nimejifunza mengi kutoka katika brog hii nacho kuomba ni kutusaidia kutafakari maana ya mistari katika bibilia angalau kidogo ila nakuombea kwa Mungu akuongoze.

  5. 5
    Charles Mwaihojo Says:

    MUNGU AKUBARIKI MTUMISHI, NIMEPATA KITU CHA KUNIJENGA, HAKIKA BWANA AMEKUTUMIA, BE BLESSED

  6. 7

    mungu akubariki

  7. 8
    Elias Pascal Mboyi Says:

    Thank you to be good teacher for me.God prais you

  8. 10

    god bless u kwa ujumbe kujenga

  9. 12
    CHARLES HANS MWAIHOJO Says:

    ubarikiwe mtakatifu wa Bwana kazi yako, njema na muhuubili kristo kwa njia yoyote kama bwana alivyokuongoza kutumia hii njia, watu wasasa mda mwingi wako kwenye net mda wote, unawasaidia kama mtandao wanautumia kwa mambo mema, nimetiwa moyo, na umenikumbusha kuritafakari neno la Bwan, be bless

  10. 14
    Elia Kilagwa Says:

    Amen Ubarikiwe na BWANA”

  11. 15
    Lilian Sangali Says:

    Ubarikiwe sana kaka Patrick, nazid kujifunza na kubarikiwa pia kupitia katika masomo yako. Asante sana mtumishi

  12. 16
    REDEMPTION TARIMO Says:

    Aaaaaaaaaaaaaah,JESUS kunakitu kimefanyika ndani yangu sijui na hii pager hata sijaelewa imejitokezaje kwa pc yangu bt daaaaaaaaaaaaaaaaaaaaah,EEE MUNGU KWELI UPO NA MIMI .MWANA WA MUNGU UBARIKIWE BAADA YA MIMI KULIPATA LIMEWAFIKIA WATU ZAIDI YA ELFU TANO.OHW JESUS WHY.

  13. 19
    Matilda Mlawa Says:

    Amina mtumishi wa Mungu nimebarikiwa na somo hili. Utukufu kwa Mungu wetu, be blessed.


RSS Feed for this entry

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: